images bio chrono ach nt audio news events fans downloads
 
 
நடிகர் திலகம் சிவாஜி கணேசன் பிறந்த நாள் கடந்த அக்டோபர் 1, 2018 அன்று தமிழக அரசின் சார்பிலும், சிவாஜி பிரபு அறக்கட்டளை சார்பிலும் மற்றும் உலகெங்கிலும் உள்ள சிவாஜி, பிரபு மற்றும் விக்ரம் பிரபு ரசிகர்கள் சார்பிலும் விமரிசையாகக் கொண்டாடப்பட்டது. தமிழக அரசின் சார்பில் அரசு விழாவாக அறிவிக்கப்பட்டு மாண்புமிகு தமிழக துணை முதலமைச்சர் திரு O. பன்னீர்செல்வம் அவர்கள் தலைமையில் தமிழக அமைச்சர்கள் பங்கு கொண்டு 01.10.2018 காலை 9.30 மணிக்கு, சென்னை ராஜா அண்ணாமலைபுரத்தில் அமைந்துள்ள மணிமண்டபத்தில் நிறுவப்பட்டிருக்கும் நடிகர் திலகத்தின் சிலைக்கு மலர் அஞ்சலி செலுத்தினர். நிகழ்ச்சியில் தளபதி ராம்குமார், இளைய திலகம் பிரபு, விக்ரம் பிரபு, துஷ்யந்த் ராம்குமார், அகில இந்திய சிவாஜி மன்ற, இளையதிலகம் பிரபு மன்ற மற்றும் விக்ரம் பிரபு மன்ற நிர்வாகிகள் கலந்து கொண்டனர்.
 
அன்று மாலை 6.30 மணிக்கு சென்னை ராயப்பேட்டையிலுள்ள மியூஸிக் அகாடெமியில் சிவாஜி பிரபு அறக்கட்டளை சார்பில் நடிகர் திலகத்தின் 90வது பிறந்த நாள் மிகச் சிறப்பாக நடைபெற்றது. திருமதி லட்சுமி அவர்கள், செல்வி ரீடா அவர்கள், திரு சுப்ரமணியம் எ சுப்புணி அவர்கள், திருமதி தாரா அவர்கள், மற்றும் முனைவர் திரு மருதுமோகன் ஆகியோர் சிவாஜி கணேசன் நினைவுப் பரிசு வழங்கி கௌரவிக்கப்பட்டனர். மேலும் மூத்த சிவாஜி ரசிகர்களான திரு அய்யம்பெருமாள், திரு தாம்பரம் தியாகராஜன், திருமதி ராணி பெரியசாமி மற்றும் செல்வி கிரிஜா ஆகியோர் நடிகர் திலகம் விருது வழங்கி கௌரவிக்கப்பட்டனர். விழாவில் சிற்பபு விருந்தினராக திரு சிவகுமார் கலந்து கொண்டு பரிசுகளை வழஹ்கி சிறப்புரையாற்றினார். விருது பெற்றோர் சார்பில் திருமதி லட்சுமி அவர்கள் நடிகர் திலக்தைப் பற்றிய தன் நினைவுகளைப் பகிர்ந்து கொண்டார். இளையதிலகம் பிரபு அவர்கள் நன்றி கூறினார். விழாவில் விருது பெற்றோர் மற்றும் சிறப்பு விருந்தனர் சிவகுமார் ஆகியோர் நடிகர் திலகத்துடன் இணைந்து பணியாற்றிய படங்களிலிருந்து காட்சிகள் திரையிடப்பட்டன. அரங்கம் நிரம்பி பலர் இருக்கையின்றி நின்று கொண்டே நிகழ்ச்சிகளை ரசித்தது, நடிகர் திலகத்தின் ஆளுமையைப் பறை சாற்றியது.
 
காலையில் அன்னை இல்லத்திலும் திரளான ரசிகர்கள் வருகை தந்து அங்கிருக்கும் நடிகர் திலகத்தின் திருவுருவப்படத்திற்கு மலரஞ்சலி செலுத்தினர். அன்னை இல்லம் வந்தோர்க்கு சிவாஜி, பிரபு மற்றும் விக்ரம் பிரபு மன்றங்களின் சார்பில் விருந்தோம்பலும் நடைபெற்றது.
 
முன்னதாக 30.09.2018 அன்று காலை Groups of Karnana சார்பில் ஒரு வருடத்திற்கு வாராவாரம் அன்னதானம் அளிக்கும் நிகழ்ச்சியும் தொடங்கி வைக்கப்பட்டது.
 
 
SITE UNDER MAINTENANCE- SOME LINKS MAY NOT BE ACTIVE. TO RESUME SOON.
 
nt